शरद पवार व विजयसिंह मोहिते-पाटील यांनी घेतली जयवंतराव जगताप यांची भेट..

करमाळा / संदेश प्रतिनिधी :

करमाळा : राष्ट्रवादी काँग्रेस शरदचंद्र पवार गटाचे उमेदवार धैर्यशील मोहिते-पाटील यांच्या प्रचार सभेसाठी राष्ट्रीवादी कॉंग्रेसचे चे अध्यक्ष शरद पवार हे करमाळा दौऱ्यावर आले असता, त्यांनी करमाळा कृषी उत्पन्न बाजार समितीच्या प्रांगणातील देशभक्त नामदेवराव जगताप यांच्या पुतळ्यास अभिवादन केले, त्यानंतर माजी आमदार जयवंतराव जगताप यांची घरी भेट घेतली, यावेळी जयवंतराव जगताप यांनी शरद पवार व विजयसिंह मोहिते-पाटील यांचा सन्मान केला.

सन २००९ साली लोकसभा निवडणुकीत जगताप यांनी दस्तरखुद्द पवार यांच्या विरोधात भूमिका घेत सुभाष देशमुख यांचा प्रचार केला होता, माजी आ.जगताप यांनी गेली कित्येक वर्ष सातत्याने भाजप समर्थनाची भूमिका घेतली आहे, तरीदेखील शरद पवार व विजयदादा यांनी जगताप यांची घेतलेली भेट राजकीय दृष्टया अत्यंत महत्वपूर्ण मानली जात आहे. यावेळी धैर्यशील मोहिते पाटील, माजी आमदार नारायण पाटील, माजी नगराध्यक्ष वैभवराजे जगताप उपस्थित होते.