भारत प्रायमरी स्कूलच्या बाजार डेला उस्फूर्त प्रतिसाद

करमाळा(दि.५):  जेऊर येथील भारत प्रायमरी स्कूल मध्ये इयत्ता पहिली ते चौथी व भारत माँटेसरी मधील विद्यार्थ्यांसाठी बाजारा डे चे आयोजन करण्यात आले होते. या बाजारासाठी विद्यार्थ्यांनी व पालकांनी मोठा प्रतिसाद दिला. या बाजाराचे उद्घाटन संस्थेचे सचिव अर्जुनराव सरक, भारत हायस्कूल व जुनिअर कॉलेजचे प्राचार्य आबासाहेब सरवदे सर भारत प्रायमरीचे मुख्याध्यापक श्री दीपक व्यवहारे यांचा हस्ते करण्यात आले.

यावेळी भारत प्रायमरीमधील सर्व शिक्षक उपस्थित होते. या बाजार डे चे आयोजन सकाळी नऊ ते एक या वेळेत करण्यात आले होते यावेळी मुलांनी सकाळी नऊ वाजल्यापासूनच आपले स्टॉल लावण्यास सुरुवात केली. या बाजाराचे आयोजन कर्मयोगी गोविंद बापू पाटील हॉलमध्ये करण्यात आले होते. दैनंदिन जीवनात मुलांना गणिती व्यवहाराचे ज्ञान व्हावे यासाठी खास या बाजार डे चे आयोजन करण्यात आले होते. तसेच आपल्या शेतामधील शेतमाल विकण्याची संकल्पना मुलांमध्ये रुजावी.हाही यामागे शाळेचा हेतू होता.

यावेळी विद्यार्थ्यांना प्रत्यक्ष गणितीय व्यवहाराचे ज्ञान मिळाले. यामध्ये मुलांनी भाजीपाला फळभाज्या, मेवा, मिठाई ,वडापाव, लिंबू सरबत शेतातील हरभरा , ड्रॅगन फ्रुट अशा अनेक पदार्थांची विक्री केली. यावेळी खूप मोठ्या प्रमाणात विद्यार्थ्यांनी स्टॉल लावले होते. तसेच पालकांनी खूप मोठ्या प्रमाणामध्ये प्रतिसाद दिला.यामुळे या एकूण व्यवहारातून अंदाजे 60 हजार ते एक लाख रुपयाचे रुपयांची उलाढाल झाली.या बाजाराचे वैशिष्ट्य म्हणजे यावेळी अनेक विद्यार्थी शेतकरी पोशाखामध्ये दिसून आले. विद्यार्थ्यांबरोबरच पालखी या बाजार डे मध्ये उत्साहाने सहभागी झाले होते तसेच यावेळी अनेक पदाधिकाऱ्यांनी या बाजारडेला भेट दिली,

संस्थेचे उपाध्यक्ष राजुशेठ गादिया यांनी आवर्जून भेट दिली, जेऊरचे माजी उपसरपंच माननीय राजाभाऊ जगताप, ग्रामपंचायत सदस्य समीरा दोशी, जेऊरचे प्रतिष्ठित व्यापारी संजय कुमार दोशी, सुयोग दोशी ,रेणुका दोशी, प्रेम लता दोशी, ऐश्वर्या दोशी, समिधा दोशी, माजी ग्रामपंचायत सदस्य संतोष वाघमोडे, राहुल गोडगे ,नाथाराव रंदवे सर,भारत महाविद्यालयाच्या प्रा. कांबळे. सकाळचे पत्रकार योगेश खंडागळे यावेळी भारत प्रायमरी मधील मुख्याध्यापक दिपक व्यवहारे ,अनिता देशमुख,अमोल पाटील, उत्तरेश्वर गरड , वर्षा भोसले, नितीन पाटील, गणेश हजारे, किशोर गुळमे , मुमताज शेख, सिंधू सरडे आदीजन उपस्थित होते. 

बाजाराचे आयोजन उत्तम प्रकारे केल्याबद्दल,संस्थेचे संचालक मा.पृथ्वीराज पाटील व संस्थेचे अध्यक्ष व करमाळा तालुक्याचे आमदार नारायण आबा पाटील यांनी सर्वांचे अभिनंदन केले.