करमाळा शहरातील सोन्याचे व्यापारी सुमित ढाळे यांचे निधन..
करमाळा / संदेश प्रतिनिधी :
करमाळा : करमाळा शहरातील वेताळ पेठ येथील रहिवासी सुमित ढाळे (वय -३५) यांचे अल्प आजाराने आज (ता.१२) पहाटे साडेपाच वाजण्याच्या सुमारास निधन झाले. त्यांचे मागे तीन मुले, पत्नी व आई असा परिवार आहे. त्यांचे निधनानंतर अनेक सराफ व्यापारी तसेच नागरिकांनी दु:ख व्यक्त केले. त्यांचे अंत्यसंस्कार आज (ता.१२) दुपारी २ वाजता करण्यात येणार आहे. सुमित ढाळे हे करमाळा नगरपरिषदेचे माजी नगराध्यक्ष प्रशांत ढाळे यांचे चुलतबंधू होते.
