उजनी धरणात ’10 टीएमसी’ पाणी सोडण्याची ‘उजनी धरणग्रस्त संघर्ष समिती’ची मागणी..
करमाळा / संदेश प्रतिनिधी :
करमाळा : उजनी धरणातील पाणी पातळी वरचेवर खालावत असल्याने भविष्यातील अडचणी डोळ्यासमोर दिसत असल्याने उजनी धरणात वरील धरणातील 10 टीएमसी पाणी सोडण्यासाठी आज (ता.८) करमाळा तहसील कार्यालयात तहसीलदारयांचेमार्फत राज्याचे जलसंपदा मंत्री यांना या 10 टीएमसी पाणी सोडण्यासाठी मागणीचे निवेदन देण्यात आले. याप्रसंगी उजनी धरणग्रस्त समितीचे सर्व सदस्य तसेच शेतकरी मोठ्या संख्येने उपस्थित होते.
याप्रसंगी बोलताना ‘उजनी धरणग्रस्त संघर्ष समिती’चे अध्यक्ष प्रा.शिवाजीराव बंडगर म्हणाले की, आम्ही उजनी धरणाससाठी आमची गाव, घरेदारे, जमीन जुमला या सर्व गोष्टीचा त्याग केला आहे, असे असताना आमचे हक्काचे पाणी आम्हाला मिळत नाही. आमच्या हक्काचे 12 टीएमसी पाणी आम्हाला सुरळीतपणे मिळायला पाहिजे, यावर्षी पाऊस कमी झाला असून, उजनी धरण केवळ 66 % भरले आहे. सव्वा दिड महिन्यात याच पाण्यातील पाणी वारेमाप सोडले गेले. त्यामुळे आज केवळ 25 % पाणी शिल्लक आहे. उरलेल्या सहा सात महिन्यांत यापेक्षा वाईट परिस्थिती होणार आहे. पुढील संकटाची चाहुल लागल्याने धरणग्रस्तांनी आज उजनी च्या वरील धरणातून 10 टी एम सी पाणी सोडण्याची प्रमुख मागणी केली आहे.
याचबरोबर सोलापूर शहराला पाणी पुरवठा करण्यासाठी काम सुरू असलेली समांतर जलवाहिनी तात्काळ सुरू करावी , कालवा सल्लागार समितीने उजनी धरणग्रस्तांचे हक्काचे पाणी राखून ठेवून काटेकोर नियोजन करावे ,कालवा सल्लागार समितीत तालुक्यातील मूळ धरणग्रस्तांचे दोन प्रतिनिधी घ्यावेत. या मागण्या जलसंपदा मंत्री यांच्याकडे निवेदनाद्वारे केल्या आहेत.
या वेळी संघर्ष समितीचे अध्यक्ष प्रा.शिवाजीराव बंडगर यांच्या सह उपाध्यक्ष भारत साळुंके,आदिनाथ चे माजी अध्यक्ष धनंजय डोंगरे ,माजी उपाध्यक्ष केरु गव्हाणे , माजी उपाध्यक्ष चंद्रकांत सरडे ,संचालक धुळाभाऊ कोकरे,माजी संचालक राजाभाऊ धांडे,बापूराव देशमुख, मकाई कारखान्याचे संचालक सचिन पिसाळ, माजी संचालक नंदकुमार भोसले, अजित रणदिवे, राष्ट्रवादीचे संतोष वारे, देवा ढेरे, बापूराव रणशिंग, डाॅ.गोरख गुळवे, ग्रामपंचायत सदस्य दत्त्ता देशमुख, राजकुमार देशमुख, केळी उत्पादक संघाचे सोलापूर जिल्हा सचिव अर्जुन तकीक, संदीप यादव, बिभीषण देशमुख आदी उपस्थित होते.
तसेच वांगीचे माजी सरपंच संजय कदम ,सामाजिक कार्यकर्ते विष्णू वाघमारे ,ढोकरीचे सरपंच देवा पाटील, माजी सरपंच महादेव वाघमोडे,सामाजिक कार्यकर्ते देवीदास माधव पाटील, बाबासाहेब चौगुले,वांगी 4 भिवरवाडीचे सरपंच सविता सूळ ,उपसरपंच,डॉक्टर भाऊसाहेब शेळके , वांगी 3 चे सरपंच मयुर रोकडे ,सामाजिक कार्यकर्ते सोमनाथ, रोकडे , सौर ऊर्जेवरील बोट चे मालक श्रीहरी जाधव ,मांजरगावचे हनुमंत हुंबे,अंकुश चव्हाण, विजय प्रताप युवा मंच चे तालुकाध्यक्ष शिवशंकर माने,लखपती चंद्रकांत सरडे ,राजकुमार सरडे शेतकरी संघटना ,पांगरेचे माजी सरपंच चंद्रकांत पारेकर, ग्रामपंचायत सदस्य भैरवनाथ हराळे, महेश टेकाळे, वांगीचे सामाजिक कार्यकर्ते भारत रोकडे,देवा तळेकर , रामेश्वर पारेकर ,सौदागर दौंड, प्रमोद गोडगे,आदि उपस्थित होते.
