राजेश्वर विद्यालयाच्या थ्रो बॉल स्पर्धेतील विजेत्या खेळाडूंचा राजुरी ग्रामस्थांच्या वतीने सत्कार
करमाळा / संदेश प्रतिनिधी :
करमाळा : ग्रामपंचायत राजुरी व राजुरी ग्रामस्थ (ता.करमाळा) यांच्यावतीने क्रीडा व युवक सेवा संचलनालय महाराष्ट्र राज्य पुणे अंतर्गत व जिल्हा क्रीडा अधिकारी सोलापूर आयोजित जिल्हास्तरीय थ्रो बॉल क्रिडा स्पर्धेत १४ वर्षे वयोगट मुली, १४ वर्षे वयोगट मुले आणि १७ वर्षे वयोगट मुले या तीनही संघानी जिल्ह्यामध्ये प्रथम क्रमांक मिळवलेल्या गुणवंत खेळाडू व क्रीडा मार्गदर्शक मारुती साखरे यांचा सत्कार समारंभ आयोजित करण्यात आला.
या कार्यक्रमाचे आयोजन विद्यार्थ्यांमध्ये क्रीडाविषयक जागृती निर्माण व्हावी, खेळाडूंचे कौतुक व्हावे आणि भविष्यामध्ये विद्यार्थ्यांनी असेच उत्कृष्ट पद्धतीने कामगिरी करत राहावे या अनुषंगाने ग्रामस्थांनी या सत्कार समारंभाचे आयोजन केले.
या कार्यक्रमाचे प्रास्ताविक गंगाराम वाघमोडे सर यांनी केले तर राजेंद्र भोसले, श्रीकांत साखरे यांनी मनोगत व्यक्त केले. यावेळी ग्रामपंचायत राजुरीच्या सरपंच प्रतिनिधी राजेंद्र भोसले, उपसरपंच सतीश शिंदे, सामाजिक कार्यकर्ते श्रीकांत साखरे, शिवाजी साखरे, नवनाथ साखरे, जगन्नाथ अवघडे सर, रत्नाकर तळेकर सर, धनंजय साखरे सर, अमोल कोल्हे सर, विजय गरड सर, गंगाराम वाघमोडे सर, संदीपान दुरंदे,श्रीकांत शिंदे,आदी मान्यवर उपस्थित होते. या कार्यक्रमाचे सूत्रसंचालन धनंजय साखरे यांनी केले तर आभार प्रदर्शन मारुती साखरे यांनी केले.
