रस्त्यावरील गाडी काढ म्हटल्याने दगडाने मारहाण..
करमाळा / संदेश प्रतिनिधी
करमाळा : रस्त्यावर आडवी लावलेली गाडी काढ असे म्हटल्याने एकाने दगडाने मारहाण केली आहे. हा प्रकार २ मार्चला मिरगव्हाण (ता. करमाळा) येथे रात्री साडेनऊ वाजता घडला आहे. या प्रकरणी चंद्रकला आबा सुरवसे रा. मिरगव्हाण या महिलेने फिर्याद दिली आहे. त्यात तिने म्हटले आहे, की माझे पती ऊसाची ट्रॉली घेऊन येत असताना रस्त्यात आडवी लावलेली मोटारसायल राहूल बाबासाहेब घरबुडवे यास बाजूला काढ असे म्हणाले असता चिडून जावून राहूल घरबुडवे याने दगडाने माझ्या पतीस मारहाण करून जखमी केले आहे.
