जिल्हास्तरीय शालेय ‘मल्लखांब’ स्पर्धेत ‘गुरुकुल पब्लिक स्कूल’च्या विद्यार्थ्यांचे घवघवीत यश..
करमाळा / संदेश प्रतिनिधी : जिल्हास्तरीय शालेय मल्लखांब स्पर्धेत गुरुकुल पब्लिक स्कूलच्या विद्यार्थ्यांनी बाजी मारली आहे. सोलापूर क्रीडा अधिकारी कार्यालय यांच्या संयुक्त विद्यमानाने सोलापूर जिल्हास्तरीय शालेय मल्लखांब स्पर्धा जेऊर (ता.करमाळा) येथे आयोजित करण्यात आल्या होत्या. या स्पर्धेत गुरुकुल पब्लिक स्कूल मधील विद्यार्थ्यांनी सहभाग घेऊन यश यश संपादन केले आहे.
यात गुरुकुल पब्लिक स्कूलच्या 14 वर्ष वयोगटात इयत्ता सहावी मधील सार्थिका शिंदे या विद्यार्थिनीने पाचवा क्रमांक मिळवला तर 17 वर्षे वयोगटात आठवी मधील संचिता आटोळे या विद्यार्थिनीने सहावा क्रमांक मिळवलाआहे. या विद्यार्थिनीचे गुरुकुल पब्लिक स्कूल चे संस्थापक नितीन भोगे सर व सचिवा सौ भोगे मॅडम व प्रशालेच्या वतीने अभिनंदन करण्यात आले. तसेच मार्गदर्शक शिक्षक सागर शिरसकर यांचेही अभिनंदन करण्यात आले.
