वीट येथे १ लाख १७ हजार रूपयाची चोरी.

करमाळा / संदेश प्रतिनिधी :

करमाळा : वीट (ता.करमाळा) येथे तिघा अज्ञात चोरट्यांनी मध्यरात्री घरात घुसून लोखंडी कपाटातील रोख ६५ हजार रूपये व उर्वरित सोन्याचे दागिणे असा एकूण १ लाख १७ हजार रूपयाचा ऐवज २१ मे च्या पहाटे चोरून नेला आहे. या प्रकरणी विलास दशरथ राऊत (रा. वीट) यांनी फिर्याद दिली आहे. त्यात त्यांनी म्हटले आहे, की २० मे ला रात्री आम्ही जेवण करून झोपलो असता, २१ मे ला पहाटे एकच्या सुमारास तिघा अज्ञात चोरट्यांनी घरात घुसून कपडातील रोख ६५ हजार रूपये व ५२ हजार रूपये किमंतीचे सोन्याचे दागिणे चोरून नेले आहेत. याबरोबरच वीट येथील धनंजय नाळे, विशाल माळवे, विकास राऊत यांच्या घरीही चोरट्यांनी चोरी केल्याचे समजले आहे. या प्रकरणी पोलीसांनी चोरट्याच्या विरूध्द गुन्हा दाखल केला असून पुढील तपास पोलीस उपनिरीक्षक प्रविण साने हे करत आहेत.