घरासमोर लावलेल्या मोटारसायकलची चोरी
करमाळा (संदेश प्रतिनिधी) – नेहमीप्रमाणे घरासमोर लावलेल्या मोटारसायकलची चोरी झाली आहे. हा प्रकार लिंबेवाडी (ता. करमाळा) येथे २३ मार्च ला पहाटेच्या सुमारास झाला आहे. या प्रकरणी आदिनाथ एकनाथ सानप (रा. लिंबेवाडी) यांनी फिर्याद दिली आहे.
त्यात त्यांनी म्हटले आहे, की हिरो कंपनीची एमएच ४५ एआर ०८१६ ही मोटारसायकल होती. दररोज घराच्या समोर हँडल लॉक करून मोटारसायकल लावलेली असते. २२ मार्चला अशीच मोटारसायकल दारात लावली होती. सदरची
मोटारसायकल २३ मार्चला पहाटेच्या सुमारास अज्ञात
चोरट्यांनी चोरून नेली आहे. या प्रकरणी पोलीसांनी गुन्हा
दाखल केला असून पुढील तपास चालू आहे.
