सावकाराच्या त्रासाला कंटाळून जेऊरच्या तरूणाची आत्महत्या..
करमाळा / संदेश प्रतिनिधी
करमाळा : जेऊर येथील स्वप्नील शंकर कांबळे या ३० वर्षाच्या युवकाने सावकाराच्या त्रासाला कंटाळून जेऊर येथे रेल्वेखाली उडी मारून काल (ता.१२) आत्महत्या केली आहे.
जेऊर येथील स्वप्नील कांबळे हा काही व्यवसाय करण्याच्या निमित्ताने धडपड करत होता. त्यासाठी त्याने काही सावकारांकडून कर्जही घेतले होते. परंतु सावकाराचे कर्ज न फिटल्याने सावकाराकडून होणाऱ्या त्रासाला कंटाळून १२ जुलैला जेऊर रेल्वेस्टेशनजवळ येणाऱ्या रेल्वेखाली उडी मारून आत्महत्या केली आहे; अशी जोरदार चर्चा आहे. याबाबत पोलीसात आत्महत्येची नोंद झाली असून पुढील तपास पोलीस हे करत आहेत.
