मोटारसायकल-ट्रॅक्टर अपघातात महिला ठार – दोघे गंभीर जखमी..
करमाळा / संदेश प्रतिनिधी :
करमाळा : करमाळा- जामखेड रोडवर पोथरे (ता.करमाळा) येथील कान्होळा नदीच्या पुलावर मोटारसायकल व ट्रॅक्टर अपघातात मोटारसायकल वरील महिला जागीच ठार झाली असून दोघेजण गंभीर जखमी झाले आहेत. हा अपघात आज (ता.१८) सायंकाळी ७ वाजण्याच्या सुमारास घडला आहे.
यात हकीकत अशी कि, अंकुश रोडे, त्यांची पत्नी मनीषा रोडे व मुलगी समृद्धी रोडे हे आपल्या मोटारसायकलवर पोथरे रस्त्याने जात असताना एका ट्रॅक्टरचालकाने मोटारसायकलला धडक दिल्याने मोटारसायकलवरील महिला मनीषा अंकुश रोडे (वय ४०) या खाली पडून जबर जखमी होवून जागीच मयत झाल्या आहेत. यामध्ये महिलेचे पती अंकुश रोडे व मुलगी या दोघांच्याही पायाला गंभीर दुखापत झाली आहे. यात जखमींना तातडीने करमाळा येथील उपजिल्हा रुग्णालयात दाखल केले आहे. याबाबत सध्या पुढील कार्यवाहि सुरु आहे.
