थेट मतदारराजाची भेट! बागल यांनी काढली करमाळा शहरात पदयात्रा

करमाळा(दि.९) – शिवसेना व महायुतीचे करमाळा विधानसभा मतदारसंघाचे उमेदवार श्री दिग्विजय दिगंबरराव बागल यांनी काल (दि.८)  रात्री करमाळा शहरामध्ये प्रचार पदयात्रा केली.

या पदयात्रेत भाजपा प्रदेश उपाध्यक्ष रश्मी दीदी बागल – कोलते,शिवसेना जिल्हाप्रमुख महेश चिवटे,
करमाळा नगरपरिषदेचे माजी नगरसेवक किरण बोकण,
भाजपा किसान मोर्चाचे प्रदेश सचिव दीपक चव्हाण,
करमाळा नगरपरिषदेचे विद्यमान नगरसेवक सचिन घोलप, विजय लावंड, संजय घोरपडे, अ‍ॅड. शिंगाडे, महायुतीचे पदाधिकारी व समस्त कार्यकर्ते उपस्थित होते.

पदयात्रेदरम्यान त्यांनी स्थानिक ग्रामस्थ, युवावर्ग, व्यापारी, ज्येष्ठ नागरिकांच्या गाठीभेटी घेतल्या, त्यांच्याशी संवाद साधला आणि ज्येष्ठांचे विजयासाठी आशीर्वाद घेतले.

करमाळा शहर मधील पिण्याच्या पाण्याचा प्रश्न, शहरातील अंतर्गत रस्ते, उपजिल्हा रुग्णालयाची दुरवस्था, शहरातील स्वच्छता या मूलभूत प्रश्नांकडे गेली दहा वर्षे करमाळा करांनी संधी दिलेल्या लोकप्रतिनिधींनी पूर्णपणे दुर्लक्ष केल्याच लोकांनी भावना यावेळी बागल यांच्याकडे व्यक्त केल्या.