राष्ट्रवादी काँग्रेस शरदचंद्र पवार पक्षाच्या करमाळा शहराध्यक्षपदी जमीर सय्यद यांची निवड
करमाळा : राष्ट्रवादी काँग्रेस शरदचंद्र पवार पक्षाच्या करमाळा शहराध्यक्षपदी जमीर सय्यद यांची निवड करण्यात आली आहे. ही निवड जिल्हाध्यक्ष वसंतराव देशमुख आणि कार्याध्यक्ष रवींद्र पाटील यांनी जाहीर केली. करमाळा शहराध्यक्षपदाची निवडीचे पत्र माजी उपमुख्यमंत्री विजयसिंह मोहिते-पाटील आणि खासदार धैर्यशील मोहिते-पाटील यांच्या हस्ते सय्यद यांना प्रदान करण्यात आले.
जमीर सय्यद यांचे करमाळा शहरातील विविध समाजघटकांशी मैत्रीपूर्ण संबंध असून ते सामाजिक आणि राजकीय क्षेत्रात सक्रिय आहेत. मुस्लिम समाजाचे अध्यक्ष म्हणूनही त्यांनी उल्लेखनीय कार्य केले आहे.
अलीकडील लोकसभा निवडणुकीदरम्यान सय्यद यांनी खासदार धैर्यशील मोहिते-पाटील यांच्या प्रचारात शहरात आघाडी घेऊन पक्षाच्या विजयासाठी सक्रिय भूमिका बजावली होती.
माजी उपमुख्यमंत्री विजयसिंह मोहिते-पाटील यांच्या मार्गदर्शनाखाली त्यांची निवड जाहीर करण्यात आली असून, या निवडीनंतर त्यांचे सर्व स्तरातून अभिनंदन होत आहे.
निवडीप्रसंगी विजयसिंह मोहिते-पाटील, खासदार धैर्यशील मोहिते-पाटील, आमदार नारायण पाटील, जिल्हाध्यक्ष वसंतराव देशमुख, जिल्हा कार्याध्यक्ष रविंद्र पाटील आणि तालुका अध्यक्ष अमरजीत साळुंके यांनी सय्यद यांचे अभिनंदन केले.
