भाजपकडून नगरपरिषद निवडणुकीस इच्छुकांच्या उद्या मुलाखती आयोजित
करमाळा – करमाळा नगरपरिषदेच्या निवडणुकीसाठी भारतीय जनता पार्टीच्या इच्छुक उमेदवारांच्या मुलाखती रविवार, दि. ९ नोव्हेंबर २०२५ रोजी सकाळी ११ वाजता विद्यानगर, करमाळा येथे होणार आहेत. अशी माहिती भाजप प्रदेश उपाध्यक्षा व साखर संघ संचालिका रश्मी बागल यांनी दिली.
याबाबत अधिक माहिती देताना बागल म्हणाल्या की, करमाळा नगरपरिषदेच्या निवडणुकीचा कार्यक्रम जाहीर झाला असून, इच्छुक उमेदवारांचे अर्ज दाखल झाले आहेत. या सर्व उमेदवारांच्या मुलाखती उद्या सकाळी ११ वाजता करमाळ्यात, तर दुपारी १ वाजता कुर्डुवाडी येथे घेण्यात येणार आहेत.
या मुलाखतींसाठी पक्षनिरीक्षक म्हणून अक्कलकोटचे आमदार सचिन कल्याणशेट्टी आणि भाजप जिल्हाध्यक्ष चेतनसिंह केदार उपस्थित राहणार आहेत. इच्छुक उमेदवारांनी वेळेवर उपस्थित राहावे, असे आवाहन बागल यांनी केले. महिला इच्छुक उमेदवारांनी स्वतः मुलाखतीसाठी उपस्थित राहावे, प्रतिनिधी पाठवू नयेत, असेही त्यांनी स्पष्ट केले.
करमाळा नगरपरिषद निवडणूक भारतीय जनता पार्टी संपूर्ण ताकदीने लढवणार असून, पंतप्रधान नरेंद्र मोदी, उपमुख्यमंत्री देवेंद्र फडणवीस आणि प्रदेशाध्यक्ष रवींद्र चव्हाण यांच्या मार्गदर्शनाखाली करमाळ्यात पक्ष निश्चितपणे घवघवीत यश मिळवेल, असा विश्वास रश्मी बागल यांनी व्यक्त केला.
