शिवसेना वर्धापनदिनानिमित्त करमाळ्यात ‘भगवा सप्ताह’ उपक्रमास सुरवात – ७ दिवस असणार विविध सामाजिक उपक्रम

केम (प्रतिनिधी संजय जाधव) – शिवसेना (ठाकरे गट) वर्धापनदिनानिमित्त आयोजित केलेल्या ‘भगवा सप्ताह’ या उपक्रमास आज (दि.१३) कमलाभवानी मातेस महाआरती करुन सुरुवात झाली. करमाळा नगरपालिकेचे माजी नगराध्यक्ष वैभवराजे जगताप शिवसेना माजी तालुकाप्रमुख शाहुराव फरतडे यांच्या शुभाहस्ते कमलाभावनी देवीची महाआरती करुन पुजा करण्यात आली. त्याचबरोबर नगराध्यक्ष वैभवराजे जगताप यांच्या वतीने गुरु गणेश गोशाळेत चारा वाटप करण्यात आला.

युवासेना प्रमुख तथा माजी पर्यावरण मंत्री आदित्य ठाकरे यांच्या वाढदिवसानिमित्त व शिवसेना वर्धापनदिनानिमित्त युवासेना तालुकाप्रमुख शंभूराजे फरतडे यांच्या संकल्पनेतून ‘भगवा सप्ताह’ कार्यक्रमातंर्गत सात दिवस विविध सामाजिक उपक्रम राबवले जात आहेत. यामध्ये शालेय साहित्य वाटप, मोफत आधार कार्ड शिबीर, जेष्ठ नागरिक यांचा सन्मान, रुग्णांना फळे वाटप, वृक्षारोपण, निष्ठावंत शिवसैनिक यांना “निष्ठेचे शिलेदार” पुरस्कार वितरण करण्यात येणार आहे. या कार्यक्रमाचे हे दुसरे वर्ष आहे.

या वेळी शिवसेना तालुकाप्रमुख सुधाकर काका लावंड, शहरप्रमुख प्रविण कटारिया, उपशहरप्रमुख संतोष गानबोटे,लालासाहेब कुरेशी उपजिल्हाप्रमुख मयुर यादव, तालुकाप्रमुख शंभूराजे फरतडे ,युवासेना जिल्हा सरचिटणीस सोहेल पठाण, वंचित बहुजन आघाडीचे शहर अध्यक्ष विशाल लोंढे,तालुका समन्वयक कुमार माने,तालुका सरचिटणीस पांडुरंग ढाणे,शहरप्रमुख समीर हलवाई,युवासेना शहर उपप्रमुख कल्पेश राक्षे,पै अदित्य जाधव युवासेना शहर समन्वयक प्रसाद निंबाळकर,पैलवान ग्रुप अध्यक्ष पै.पप्पू चोरमुले,पै.रोहन साळुंखे,गणेश कुकडे,तानाजी कुकडे,राहुल कुकडे,अतुल देवकर,रोहिदास आल्हाट,बाळासाहेब कांबळे संजय पडवळे, सर्जेराव मांगले यांच्यासह मोठ्या संख्येने शिवसैनिक आणि युवासैनिक उपस्थित होते.