'भगवान बुद्ध आणि त्यांचा धम्म' या विषयावर केम येथे स्पर्धा परीक्षाचे आयोजन

केम (प्रतिनिधी/संजय जाधव) – केम (ता.करमाळा) येथे ‘भगवान बुद्ध आणि त्यांचा धम्म’ या ग्रंथावरील विविध प्रश्नांची स्पर्धा परीक्षा दि. २ जुलै रोजी सकाळी ११ ते १२:४० या वेळेत आयोजित केली असल्याची माहिती स्पर्धेचे आयोजक भालचंद्र गाडे यांनी दिली.

या स्पर्धेत १०० ऑब्जेक्टिव्ह प्रश्न विचारले जाणार असून १०० मीनिट वेळ स्पर्धकांना दिला जाणार आहे. या स्पर्धेतून निवडलेल्या प्रथम विजेत्याला ५००० ₹ रुपये पारितोषिक व ट्रॉफी दिली जाणार आहे, व्दितीय विजेत्याला ३००० ₹ पारितोषिक व ट्रॉफी तर तृतीय विजेत्याला पारितोषिक २००० ₹ व ट्रॉफी दिले जाणार आहेत.ही स्पर्धा केम मधील शा.गो.पवार विद्यालय येथे दि. २ जुलै रोजी सकाळी ११ ते १२:४० या वेळेत आयोजित करण्यात आली आहे.