यशवंतराव चव्हाण महाविद्यालयाच्या अजिंक्यची राज्यस्तरीय शालेय तलवारबाजी स्पर्धेसाठी निवड
करमाळा : महाराष्ट्र शासन क्रीडा व युवक सेवा संचालनालय, पुणे आणि जिल्हा क्रीडा परिषद, सोलापूर यांच्या वतीने आयोजित पुणे विभागीय शालेय तलवारबाजी स्पर्धा राजीव गांधी स्टेडियम, सोलापूर येथे ९ नोव्हेंबर २०२५ रोजी पार पडल्या.
या स्पर्धेत यशवंतराव चव्हाण महाविद्यालयातील खेळाडू अजिंक्य लक्ष्मण दळवी याने तलवारबाजीतील सेबर प्रकारात उत्कृष्ट कामगिरी करून यश संपादन केले. या उल्लेखनीय कामगिरीच्या जोरावर त्याची निवड छत्रपती संभाजीनगर येथे होणाऱ्या राज्यस्तरीय शालेय तलवारबाजी स्पर्धेसाठी झाली आहे.अजिंक्यला महाविद्यालयाचे क्रीडाप्रमुख रामकुमार काळे आणि प्रशिक्षक नागनाथ बोळगे यांचे मार्गदर्शन लाभले.
या यशाबद्दल संस्थेचे सचिव विलासराव घुमरे, अध्यक्ष प्राचार्य मिलिंद फंड, सहसचिव विक्रमसिंह सूर्यवंशी, महाविद्यालयाचे प्राचार्य डॉ. एल. बी. पाटील, वरिष्ठ विभागाचे उपप्राचार्य डॉ. अनिल साळुंखे, कनिष्ठ विभागाचे उपप्राचार्य संभाजी किर्दाक, तसेच कनिष्ठ व वरिष्ठ विभागातील सर्व प्राध्यापक आणि शिक्षकेतर कर्मचारी यांनी अभिनंदन करून पुढील वाटचालीस शुभेच्छा दिल्या.
