करमाळा शहरालगत ट्रक पलटी – कांद्याच्या गोण्या पडून नुकसान..

करमाळा / संदेश प्रतिनिधी :

करमाळा : करमाळा शहरालगत असलेल्या नगररोड बायपास चौकात एक कांदा घेवून जाणारा ट्रक पलटी होवून अपघात झाला आहे. ट्रकमधील कांद्याच्या गोण्या खाली पडून नुकसान झाले आहे. हा अपघात आज (ता.२) पहाटेच्या सुमारास घडला आहे. या अपघातात ट्रक चालक किरकोळ जखमी झाला आहे.

यामध्ये मालट्रक क्रमांक RJ.14.GN.2850 हा अहमदनगरहून करमाळा मार्गे सोलापूरच्या दिशेने जात होता, करमाळा शहराजवळ आल्यावर नालबंद पेट्रोल पंपाजवळील बायपास चौकात वेगात वळण घेताना अचानक पलटी होवून यामधील कांद्याच्या गोण्या खाली पडल्या असून यात कांद्याचे मोठे नुकसान झाले आहे. आज सकाळी करमाळा पोलिसांनी अपघात ठिकाणी भेट देवून अपघाताची माहिती घेतली. सायंकाळी उशीरा रस्त्याच्यामध्ये पडलेला ट्रक क्रेनद्वारे बाजूला करण्यात आला.