तपश्री प्रतिष्ठानच्यावतीने मोफत डोळे तपासणी व मोतीबिंदू शिबीर संपन्न – 47 जणांची तपासणी..

करमाळा / संदेश प्रतिनिधी :

करमाळा : करमाळा शहरातील तपश्री प्रतिष्ठान, गोसेवा समिती, दत्त पेठ तरुण मंडळ व बुद्रानी हॉस्पिटल, कोरेगाव पार्क पुणे यांच्या संयुक्त विद्यमानाने आज (ता.27) मोफत डोळे तपासणी व मोतीबिंदू शिबीर घेण्यात आले. यामध्ये 47 जणांची तपासणी करण्यात आली असून, 21 रुग्ण ऑपरेशनसाठी बुद्रानी हॉस्पिटल पुणे येथे रवाना झाले आहेत.

या शिबिरासाठी पुण्यातून बुद्रानी हॉस्पिटल चे डॉ.गिरीश पाटील व त्यांची टीम यांनी आलेल्या रुग्णांची तपासणी केली. यावेळेस मान्यवरांच्या हस्ते दीप प्रज्वलन करून शिबिराची सुरुवात करण्यात आली. या कार्यक्रमासाठी व्यासपीठावर अध्यक्ष म्हणून बांधकाम व्यावसायिक बाळासाहेब घाडगे – पाटील,भाजप चे जिल्ह्याचे नेते विठ्ठलरावजी भणगे ,उद्योजक मुन्नाशेठ शिगची,नाना राजोपाध्ये, शिगची काकींजी, अमृताताई राजोपाध्ये,राष्ट्रवादी चे अरुण टांगडे यांचेसह सामाजिक कार्यकर्ते श्रेणीक खाटेर उपस्थित होते.

याप्रसंगी तपश्री प्रतिष्ठानच्यावतीने श्रेणिक खाटेर यांनी आपले विचार व्यक्त केले, ते म्हणाले कि, प्रत्येक महिन्याच्या 27 तारखेला करमाळा शहरातील बायपास चौक येथे हे शिबीर आयोजित केले जाते, आतापर्यंत 4070 रुग्णाचे यशस्वी ऑपरेशन झाले असून, यापुढे भविष्यात करमाळा शहर व परिसरातील रुग्णांनी याचा लाभ घ्यावा असे आवाहन केले.

या प्रसंगी बोलताना अमृता ताई राजोपाध्ये, महेश पाटील यांनी मनोगत व्यक्त केले. या शिबिरासाठी जमील काझी ,गुलाम गोस , पृथ्वीराज केंगार , विजय बारीदे , दिनेश मुथा, केतन संचेती, गणेश बोरा, वर्धमान खाटेर, अनंत मसलेकर, गिरीश शहा, विजय बरीदे, चंद्रकांत काळदाते, प्रीतम राठोड, संतोष भांड यांचे सह अनेक मान्यवर उपस्थित होते. याप्रसंगी वर्धमान खाटेर यांनी सर्वांचे आभार मानले..