गौंडरे येथे घरासमोरील मोटारसायकल जाळण्याचा प्रयत्न..
करमाळा / संदेश प्रतिनिधी
करमाळा : गौंडरे येथे घरासमोर लावलेली मोटारसायकल जाळण्याचा प्रयत्न केला आहे. हा प्रकार ७ नोव्हेंबरच्या मध्यरात्री घडला आहे. या प्रकरणी अक्षय प्रकाश हनपुडे रा.गौंडरे यांनी फिर्याद दिली आहे.
त्यात त्यांनी म्हटले आहे, की ७ नोव्हेंबरला रात्री साडेदहा वाजता शेतातून येऊन माझ्या घरासमोर मोटारसायकल क्र. एमएच २५ डब्लू ३३५७ ही लावली होती. मध्यरात्री कोणीतरी माझ्या मोटारसायकलवर कोणतातरी पदार्थ टाकून सीटकव्हरची पाठीमागील बाजू जाळून मोटारसायकल जाळण्याचा प्रयत्न केला आहे. या प्रकरणी पोलीसांनी गुन्हा दाखल केला असून पुढील तपास चालू आहे.
