महाराष्ट्र राज्य गाव कामगार पोलीस पाटील संघटनेच्या सोलापूर जिल्हा कार्याध्यक्षपदी संदिप शिंदे-पाटील यांची निवड
करमाळा / संदेश प्रतिनिधी :
करमाळा : महाराष्ट्र राज्य गाव कामगार पोलीस पाटील संघटनेच्या सोलापूर जिल्हा कार्याध्यक्षपदी संदिप शिंदे-पाटील यांची निवड करण्यात आली आहे. ही निवड महाराष्ट्र राज्य गाव कामगार पोलीस पाटील संघटनेचे राज्याचे अध्यक्ष बाळासाहेब शिंदे-पाटील यांचे उपस्थिती मध्ये सोलापूर शासकीय विश्राम गृह इथे करण्यात आली.
ही निवड संघटनेने संदीप शिंदे-पाटील यांच्या उत्कृष्ट कामाची पध्दत पाहूनच केलेली आहे, याप्रसंगी सोलापूर जिल्ह्यातील पदाधिकारी व करमाळा तालुक्यातील पदाधिकारी दादासो निमगिरे-पाटील,सोमनाथ पाटील,मनोज जामदार-पाटील,अंकुश खरात-पाटील आदी मान्यवर उपस्थित होते. या निवडीनंतर संदीप शिंदे-पाटील यांचे अनेकांनी अभिनंदन केले.
