सरपडोह येथे वादळी वाऱ्यामुळे राहत्या घरावरील पत्रे गेले उडून – रंदवे यांचे नुकसान..
करमाळा / संदेश प्रतिनिधी :
करमाळा : करमाळा तालुक्यात गेल्या दोन दिवसांपासून होत असलेल्या वादळामुळे अनेक शेतकऱ्यांच्या फळबागांचे तसेच नागरिकांचे मोठे नुकसान झालेले आहे. याच वादळी वाऱ्यामुळे सरपडोह (ता.करमाळा) येथील हरिदास रघुनाथ रंदवे यांचे राहत्या घरावरील पत्रे उडून बाजूला पडलेले आहेत, सुदैवाने यात कोणतीही जिवितहानी झाली नाही. या घटनेनंतर गावातील सरपंच तसेच पोलीस पाटील व ग्रामस्थ यांनी पाहणी केली.
