ऊत्तरेश्वर बाबाच्या शिवलिंगाला महाकाल रूपात महापुजा
केम (प्रतिनिधी/संजय जाधव) : चैत्र महिन्यातील पहिला सोमवार निमित्त काल (दि.२७) केम (ता. करमाळा) येथील ग्रामदैवत श्री ऊत्तरेश्वर बाबाच्या शिवलिंगाला महाकाल रूपात महापुजा करण्यात आली. ही पुजा मंदिराचे पुजारी समाधान गुरव व पिंकू गुरव या दोघा बंधुनी केली.
या मंदिरात नेहमीच विविध सणानिमित्त वेगवेगळ्या रूपात शिवलिंगाची पुजा केली जाते. नुकतेच होळी सणानिमित्त ऊत्तरेश्वर महाराजांच्या शिवलिंगाला वडाच्या पारंब्यांची आरास करण्यात आली होती. काल चैत्र महिन्यातील पहिला सोमवार असल्याने महाकाल रूपात आरास करून पुजा करण्यात आली होती. काल सोमवार असल्याने मंदिरात भाविकांनी श्री च्या दर्शनासाठी गर्दी केली होती. ही पुजा भाविकांचे लक्ष वेधून घेत होती. या सजावटीचे भाविकांनी कौतुक केले.
