करमाळा शहरातील कृष्णाजीनगर येथून मोटरसायकलची चोरी..

करमाळा / संदेश प्रतिनिधी : 

करमाळा : करमाळा शहरातील कृष्णाजीनगर येथे दवाखान्यासमोर लावलेली मोटरसायकल चोरट्यांनी चोरून नेली आहे. हा प्रकार 30 जानेवारी रोजी रात्री साडेदहा वाजण्याची सुमारास घडला आहे. 

याप्रकरणी डॉ बी एम नेटके यांनी करमाळा पोलिसात फिर्याद दिली असून त्यात त्यांनी म्हटले की, माझ्या दवाखान्यासमोर माझ्या मालकीची मोटरसायकल 30 जानेवारी रात्री साडेदहा वाजता लावली होती, ती मोटरसायकल मध्यरात्री चोरट्याने चोरून नेली आहे, याप्रकरणी पोलिसांनी 4 फेब्रुवारी अज्ञात चोरट्याविरुद्ध गुन्हा दाखल केला आहे, याप्रकरणी पुढील तपास पोलीस कॉन्स्टेबल प्रशांत गायकवाड हे करत आहेत.