वंजारवाडी येथे पाहुण्याच्या मोटारसायकलची चोरी..

करमाळा / संदेश प्रतिनिधी :

करमाळा, ता. ४ : वंजारवाडी (ता. करमाळा) येथे आलेल्या पाहुण्याची मोटारसायकल चोरट्यांनी चोरून नेली आहे. हा प्रकार २७ एप्रिल रोजी घडला आहे, याची फिर्याद ३ मे २०२३ रोजी नोंदली आहे. यात भाऊसाहेब धनाजी कोकरे (वय २३, रा. उम्रड) यांनी फिर्याद दिली आहे. त्यात त्यांनी म्हटले, की मी माझ्या मावशीकडे वंजारवाडी येथे २७ एप्रिल रोजी जर्शी गाय पाहण्यासाठी गेलो होतो. उशीर झाल्याने मी मावशीकडेच थांबलो होतो. त्यावेळी मावशीच्या घरासमोर माझी हिरो-होंडा स्पेलंडर क्रमांक एम. एच. ४५ए एस २३७७ ही लावली होती. सकाळी ६-३० उठून माझी मोटारसायकल पाहिली असता, दिसून आली नाही. सर्वत्र शोध घेतला परंतू ती सापडली नाही. ती चोरट्याने चोरून नेली आहे. याप्रकरणी पोलीसांनी गुन्हा दाखल केला असून पुढील तपास पोलीस उप निरीक्षक प्रविण साने हे करत आहेत.