श्रीदेवीचामाळ ग्रा.पं.च्या सरपंचपदी रेणुका सोरटे..
करमाळा / संदेश प्रतिनिधी : श्रीदेवीचामाळ ग्रामपंचायतीच्या सरपंच पदी फलफले गटाच्या रेणुका सिध्देश्वर सोरटे यांची तर उपसरपंच पदी सचिन शिंदे यांची बिनविरोध निवड करण्यात आली आहे. तीन वेळा ग्रामपंचायत सदस्य राहिलेल्या फलफले गटाच्या रेणुका सोरटे यांना सरपंच पदाची संधी मिळाली आहे.
यावेळी निवडणूक निर्णय अधिकारी म्हणून मंडल अधिकारी राजेंद्र राऊत व सहाय्यक म्हणून तलाठी विनोद जवणे आणि ग्रामसेवक दत्तात्रय जाधव यांनी काम पाहिले. यावेळी श्रीदेवीचामाळ ग्रामपंचायतीचे सर्व सदस्य व ग्रामस्थ उपस्थित होते. निवडीनंतर गुलालाची व फटाक्यांची आताषबाजी करण्यात आली.
