ऊस टोळी मुकादमाने टोळीतील अज्ञान मुलीस पळविले..
करमाळा / संदेश प्रतिनिधी
करमाळा : ऊस टोळी मुकादमाने आपल्याच टोळीतील अज्ञान मुलीस पळवून नेले आहे. हा प्रकार २० जानेवारीला पहाटे दोन वाजता जातेगाव हद्दीत घडला आहे.
या प्रकरणी मुलीच्या आईने फिर्याद दिली आहे. त्यात तिने म्हटले आहे, की आम्ही जातेगाव भागात ऊसतोडीचे काम करत आहोत. माझी १५ वर्षे ३ महिने वयाच्या मुलीस आमच्या टोळीचा मुकादम मनिष पृथ्वीराज इंगोले (रा. चिंचघाट, ता. पुसद) याने फुस लावून पळवून नेले आहे. या प्रकरणी पोलीसांनी गुन्हा दाखल केला असून पुढील तपास पोलीस निरीक्षक ज्योतीराम गुंजवटे हे करत आहेत.
