कमलादेवी चरणी २ लाख रुपये किंमतीचा ‘सोन्याचा गजरा’ अर्पण
करमाळा (दि.३): करमाळ्याचे आराध्य दैवत श्री कमलादेवी चरणी अंदाजे २ लाख रुपये किंमतीचा सोन्याचा गजरा एका देवी भक्ताने अर्पण केला आहे. विशेष म्हणजे या भक्ताने आपले नाव कुठेही जाहीर केले जाऊ नये अशी इच्छा ट्रस्ट कडे व्यक्त केली.
या भक्ताने दि. ३१ जानेवारीला मंदिरात भोगी महापूजा केली. त्यानंतर मंदिर ट्रस्टशी बोलून सोन्याचा गजरा कमलादेवी चरणी अर्पण केला.
यावेळी श्री कमलादेवी मंदिराचे पुजारी बापू पुजारी, दादासाहेब पुजारी, तुषार सोरटे,सहदेव सोरटे, पुरोहित श्रीनिवास पुराणिक, पद्माकर सूर्यपुजारी, रोहित पुजारी, लक्ष्मण हवलदार, व्यवस्थापक अशोक गाठे आदीजन उपस्थित होते.
