आमदार नारायण पाटील यांनी देखील आदिनाथच्या निवडणुकीसाठी अर्ज केला दाखल

करमाळा(दि. १७) :  आदिनाथ सहकारी साखर कारखान्याच्या निवडणुकीसाठी अर्ज भरण्याचा आज शेवटचा दिवस होता या शेवटच्या दिवशी आमदार नारायण आबा पाटील यांनी केम ऊस उत्पादक गटातून तसेच एनटी मधून उमेदवारी अर्ज दाखल केला आहे. यापूर्वीच आमदार नारायण आबा पाटील यांनी आदिनाथ सहकारी साखर कारखान्याच्या निवडणुकीत आपण उतरणार असल्याचे स्पष्ट केले होते.

त्यानुसार त्यांनी आपल्या कार्यकर्त्यांसोबत निवडणुक निर्णय अधिकारी यांचेकडे अर्ज सादर केला. यावेळी राजन (अण्णा) पाटील, युवानेते सुनिल बापु सावंत, बाजार समिती माजी संचालक देवानंद बागल, माजी जि प सदस्य चंद्रप्रकाश दराडे, कर्मयोगी पतसंस्था चेअरमन संजयकुमार गादिया, पाटील गटाचे मार्गदर्शक प्रा अर्जुनराव सरक, वाय सी एम कॉलेजचे माजी प्राचार्य जयप्रकाश बिले, माजी सरपंच डॉ अमोल घाडगे, अमरजीत साळुंखे, चिखलठाणचे सरपंच विकास गलांडे, आदिनाथ कारखान्याचे माजी संचालक नवनाथ शिंदे, राहुल गोडगे, माजी सभापती शेखर गाडे, माजी संचालक रविबुवा कोकरे, रविकिरण फुके, आबासाहेब अंबारे, रामभाऊ जगताप, माजी संचालक डॉ केवारे, श्रीमंत चौधरी, स्वीय सहायक सुर्यकांत पाटील आदि उपस्थित होते.