सामाजिक बांधिलकी जपत अवचर यांचा वाढदिवस साजरा

करमाळा(दि.२३): हल्लीच्या काळात वाढदिवस साजरा करताना विविध गोष्टींवर भरमसाठ खर्च केला जातो. मात्र, या गोष्टींपेक्षा सामाजिक जाणीव ठेवत, समाजासाठी काहीतरी चांगले करून वाढदिवस साजरा करणे अधिक अर्थपूर्ण ठरते. मांगी गावचे सुपुत्र गायक पत्रकार प्रवीण कुमार अवचर यांनी आपला काल दि. २२ मे रोजी असलेला वाढदिवस सामाजिक बांधिलकी जपत साजरा केला.

त्यांनी वाढदिवसानिमित्त करमाळ्याचे आराध्य दैवत कमला भवानी देवीच्या मंदिरात दर्शन घेऊन मंदिरासाठी देणगी दिली. यावेळी कमलादेवी मंदिर समितीचे व्यवस्थापक श्री अशोक घाटे यांनी त्यांचा सत्कार करत कमलाभवानी मातेची प्रतिमा भेट दिली. यावेळी मांगी गावचे राहुल जाधव शंभूराजे जाधव उपस्थित होते.

त्याचबरोबर श्री. अवचर यांनी करमाळा येथील बुद्ध विहारामध्ये धम्मदान केले. यावेळी बौद्धाचार्य आयु. प्रशांत कांबळे व आयु. शशिकांत अवचर यांचे सह कमिटी सदस्य उपस्थित होते.

अवचर यांच्या सामाजिक बांधिलकी जपत वाढदिवस साजरा करण्याच्या कृतीचे सर्वस्तरातून कौतुक करण्यात येत आहे.