सहाय्यक अभियंता एन. एम. रणसिंग यांना आदर्श अभियंता पुरस्कार
करमाळा / संदेश प्रतिनिधी
करमाळा : येथील जिल्हा परिषद बांधकाम विभागात कार्यरत असलेले सहाय्यक अभियंता व आळजापूरचे सुपुत्र एन. एम. रणसिंग यांना आदर्श सहाय्यक अभियंता पुरस्कार जाहीर झाला आहे.
हा पुरस्कार नुकताच सोलापूर येथील कार्यक्रमात जिल्हा परिषदेचे मुख्य कार्यकारी अधिकारी मनिषा आव्हाड यांचे हस्ते देण्यात आला आहे. हा पुरस्कार अभियंता दिनानिमित्त २०२२-२३ मध्ये केलेल्या उत्कृष्ट कार्याबद्दल रणसिंग यांना मिळाला आहे. पुरस्कार प्रदान करतेवेळी जिल्ह्यातील सर्व कार्यकारी अभियंता, शाखा अभियंता, सहाय्यक अभियंता व राजकीय, सामाजिक क्षेत्रातील मान्यवर उपस्थित होते. त्यांना मिळालेल्या पुरस्काराबद्दल त्यांचे सर्वत्र अभिनंदन होत आहे.
