यशवंतराव चव्हाण महाविद्यालयात भारतरत्न डॉ.बाबासाहेब आंबेडकर यांना अभिवादन..
करमाळा / संदेश प्रतिनिधी :
करमाळा – येथील विद्या विकास मंडळाचे यशवंतराव चव्हाण महाविद्यालयामध्ये भारतीय राज्यघटनेचे शिल्पकार प्रज्ञासूर्य,महामानव भारतरत्न डॉ.बाबासाहेब आंबेडकर यांच्या जयंती निमित्त प्रतिमेस विद्या विकास मंडळचे सचिव मा. विलासराव घुमरे यांच्या शुभहस्ते पुष्पहार अर्पण करुन विनम्र अभिवादन केले.
याप्रसंगी महाविद्यालयाचे प्राचार्य डॉ.एल.बी.पाटील, वरिष्ठ विभागाचे उपप्राचार्य डॉ.अनिल साळुंखे,कनिष्ठ विभागाचे उपप्राचार्य संभाजी किर्दाक,कनिष्ठ व वरिष्ठ महाविद्यालयातील प्राध्यापक, प्रशासकीय कर्मचारी आणि शिक्षकेतर कर्मचारी उपस्थित होते.
यावेळी प्रा.नितीन तळपाडे यांनी डॉ. बाबासाहेब आंबेडकरांचे विचार थोडक्यात सांगून डॉ.आंबेडकर यांचे विचाराचे अनुकरण करावे हीच खरी जयंती साजरी केल्यासारखे होईल असे विचार मांडले. महाविद्यालयातील कार्यक्रम संपल्यानंतर करमाळा शहरातील भाजीमंडई जवळील डॉ.बाबासाहेब आंबेडकर यांच्या प्रतिमेस यशवंत परिवाराच्या वतीने पुष्पहार अर्पण करून अभिवादन करण्यात आले.
