लोक सहभागातून करंजे-भालेवाडी शाळेत संगणक कक्षाची निर्मिती
करमाळा (दि.४) – जिल्हा परिषद प्राथमिक केंद्र शाळा करंजे-भालेवाडी येथील शाळेत माजी विद्यार्थी व गावातील होतकरू कार्यकर्ते यांच्या लोक सहभाग संकल्पनेतून संगणक कक्षाची निर्मिती रविवार,३ नोव्हेंबर २०२४ रोजी करण्यात आली.
भाऊबीजेचे औचित्य साधून सकाळी ठीक ११.३० वाजता हभप श्री नामदेव वासकर, साकतकर महाराज यांच्या शुभहस्ते फीत कापून संगणक कक्षाचे उद्घाटन करण्यात आले. शाळेच्या स्वतंत्र दालनात दहा पैकी पाच संगणक संच स्थापित करून सुरवात करण्यात आली.
मुख्याध्यापक श्री लक्ष्मण लष्कर यांनी कार्यक्रमाचे प्रास्ताविक केले. एलबीआर कन्स्ट्रक्शनचे संचालक श्री. राजकुमार पवार, पवार जनरल हॉस्पिटल, करमाळा चे सर्वेसर्वा डॉ. रविकिरण पवार, पुणे व्यापारी संघाचे महासचिव व इंटेरियर डेकोरेटर्सचे श्री. दत्ताभाऊ लक्ष्मण जाधव यांनी आपले मनोगत व्यक्त केले. हभप नामदेव महाराजांनी आपल्या मनोगतातून ‘ज्याची संगणकावर कमांड त्यालाच जगामध्ये डिमांड’ असे सांगून,प्रासंगिक विचार मांडले. डॉ रविकिरण पवार यांनी अशा उपक्रमांना सर्वोतोपरी सहकार्य करण्याचे आश्वासन दिले.
शिवशक्ती इरिगेटर्सचे श्री. शिवाजी सरडे, श्री. राजकुमार पवार, डॉ. रविकिरण पवार, लोकसेवा प्रतिष्ठानचे अध्यक्ष व ईगल ग्रुपचे श्री. रामभाऊ पवार, प्रसिद्ध भूलतज्ज्ञ डॉ गोरख रोकडे यांनी शाळेसाठी संगणक दिला. श्री पोपट डोलारे यांनी एमरॉन बॅटरी इन्व्हर्टर व प्रिंटर उपलब्ध करून दिला. विद्यार्थ्यांना संगणकीय प्रशिक्षण देण्याची जबाबदारी महात्मा गांधी विद्यालय करमाळा, येथील प्राध्यापक शरद जाधव यांनी घेतली.
या सर्वांचे मा. सरपंच श्री काकासाहेब सरडे व शाळा व्यवस्थापन समिती सदस्य श्री गणेश सरडे यांनी सत्कार केला. कार्यक्रमाचे अध्यक्ष व भारतीय रिझर्व बॅंकेचे श्री. पोपट डोलारे, यांनी आपल्या विचारातून संगणकाची महती व स्पर्धेच्या युगात विद्यार्थ्यांना स्वतंत्र अभ्यासिका असावी असे विचार मांडले. तसेच गावात अध्यात्म व सायन्स हातात हात घालून वाटचाल करीत आहे असे सांगितले व विद्यार्थ्यांसाठी प्रोजेक्टर देण्याचे मान्य केले.
या कार्यक्रमासाठी सरपंच श्री सुभाष सरडे, उपसरपंच श्री. पप्पू सरडे, पोपट सरडे, गणेश घाडगे, नगर विकास विभाग, मंत्रालय, प्राध्यापक डॉ तानाजी जाधव, गावातील सर्व ज्येष्ठ मान्यवर व शिक्षण प्रेमी ग्रामस्थ उपस्थित होते. कार्यक्रम यशस्वी करणे कामी शिक्षिका श्रीमती विद्या जाधव मॅडम, माजी विद्यार्थी श्री.मुकेश ठोसर, श्री. भिवा आरणे यांचे मोलाचे सहकार्य लाभले. सहशिक्षक श्री शिवलाल शिंदे सर यांनी उपस्थितांचे आभार मानून कार्यक्रमाची सांगता करण्यात आली.
