फिसरे येथे बागल यांच्या प्रचारार्थ ‘लाडकी बहीण मेळावा’ संपन्न
करमाळा (दि.१३) – करमाळा विधानसभा मतदारसंघाचे शिवसेना महायुतीचे उमेदवार दिग्विजय बागल यांच्या प्रचारार्थ करमाळा तालुक्यातील फिसरे या गावी भाजपच्या महिला प्रदेश उपाध्यक्ष रश्मी बागल – कोलते आणि प्रियांका बागल यांच्या प्रमुख उपस्थितीत “लाडकी बहीण मेळावा” आयोजित करण्यात आला होता.
यावेळी भाषणात बोलताना रश्मी बागल म्हणाल्या की, महाराष्ट्राची ही निवडणूक स्त्रीशक्तीची निवडणूक आहे. महायुतीने सुरू केलेल्या मुख्यमंत्री लाडकी बहीण योजनेला विरोध करणाऱ्या पक्षांनी स्पष्ट केले आहे की ते ही योजना बंद करतील. त्यामुळे आता लाडक्या बहिणींनी आपल्या स्वप्नांना पंख देणाऱ्या महायुतीलाच साथ द्यायची आहे. गावातील भगिनी, मायमाऊली ‘लाडकी बहीण योजने’ द्वारे मिळालेल्या पैशांतून स्वतःच्या पायावर उभ्या राहिल्या आहेत, कुटुंबाचा गाडा पुढे हाकत आहेत. यात भर म्हणून राज्याचे लाडके मुख्यमंत्री श्री. एकनाथजी शिंदे यांनी योजनेची रक्कम १५०० वरून २१०० करण्याची घोषणा केली आहे. म्हणूनच सर्व लाडक्या बहिणींनी आपल्या स्वप्नांना बळ देणाऱ्या शिवसेना – महायुतीचे उमेदवार दिग्विजय भैय्या बागल यांना २० तारखेला मत देऊन निवडून आणायच आहे असे ते म्हणाल्या. यावेळी फिसरे गावातील समस्त महिला वर्ग, ग्रामस्थ आणि कार्यकर्ते मोठ्या संख्येने उपस्थित होते.
