कमलादेवी संवर्धन कामास ३१ हजार रुपयांची देणगी
करमाळा(दि.२७) : श्रीजगदंबा कमलादेवी मंदिर ट्रस्टच्या संयोजकाने श्रीकमलादेवी मंदिर जतन व संवर्धन कामास गेल्या वर्षापासून सुरुवात करण्यात आलेली आहे. मंदिर जतन संवर्धनाचे काम प्रगतीपथावर असून भक्तांच्या देणगी रूपी सहकार्यातून या कामास सुरुवात करण्यात आलेली आहे. काल मंगळवारी (दि.२५) करमाळा येथील महामुनी ज्वेलर्सचे तानाजी महामुनी यांच्याकडून रु. ३१ हजार रुपयांची देणगी मंदिराच्या संवर्धन कामास मिळाली.
यानिमित्ताने त्यांचा सत्कार समितीकडून करण्यात आला. या वेळी मंदिर पुजारी रोहित पुजारी, तुषार सोरटे, सहदेव सोरटे, पुरोहित सुशील पुराणिक ,अशोक गाठे, पद्माकर सूर्यपुजारी,सेवेकरी मानकरी, व भक्तगण तसेच महामुनी परिवार उपस्थित होते.
श्रीकमलादेवी मंदिर जतन संवर्धन काम प्रगती प्रथावर असल्याकारणाने भाविकांनी सढळ हाताने देणगी देऊन या कामात सहकार्य करण्याचे आव्हान देखील श्री जगदंबा कमलादेवी देवस्थान ट्रस्ट कडून करण्यात आले आहे.
