घारगावच्या सरपंचपदी पाटील गटाच्या कविताताई होगले-पाटील यांची बिनविरोध निवड
करमाळा(दि.६) : घारगाव ग्रामपंचायतच्या नूतन सरपंच पदी आमदार नारायण आबा पाटील गटाच्या सौ कविताताई संतोष होगले पाटील यांची बिनविरोध निवड झाली आहे.
घारगाव ग्रामपंचायत सरपंच पदासाठी ६ मार्च रोजी निवडणूक झाली या निवडणुकीत सौ कविताताई संतोष होगले पाटील यांचा सरपंच पदासाठी एकमेव अर्ज आल्याने त्यांची बिनविरोध निवड करण्यात आली.
यावेळी जगताप-पाटील गटाचे माजी उपसरपंच सतीश पवार तसेच आ.नारायण आबा पाटील गटाचे इतर सर्व सदस्य यामध्ये माजी सरपंच लोचना पाटील, माजी सरपंच आशा देशमुखे ,माजी सरपंच अनिता भोसले, माजी सरपंच सौ लक्ष्मी सरवदे, विद्यमान उपसरपंच दत्तात्रय मस्तुद सर्वजण उपस्थित होते या सर्वांनी सौ कविताताई संतोष होगले पाटील यांची बिनविरोध सरपंच पदी निवड केली
या सरपंच निवडीसाठी निवडणूक निर्णय अधिकारी म्हणून मंडळ अधिकारी विनोद बनसोडे यांनी काम पाहिले. सोबत तलाठी हर्षल शेंगळे तसेच महसूल सहाय्यक सोमनाथ खराडे घारगावचे ग्राम विकास अधिकारी रवींद्र काळे यांनी काम पाहिले. तसेच मा. सरपंच किरण दादा पाटील मा. सरपंच कल्याण दादा होगले, माजी सरपंच रामलिंग आणा देशमुखे अनेक मतदार बंधू-भगिनी आप्तेष्ट नातेवाईक गावातील ज्येष्ठ नागरिक व ग्रामस्थ उपस्थित होते. सरपंच निवड कार्यक्रम शांततेत पार पडला त्याबद्दल किरण दादा पाटील यांनी सर्वांचे आभार मानले या कार्यक्रमाचे सूत्रसंचालन संजय सरवदे यांनी केले.
