खडकी येथे ४० हजाराच्या गायींची चोरी
करमाळा / संदेश प्रतिनिधी
करमाळा : खडकी (ता. करमाळा) येथे दोन ४० हजार रूपयाच्या जर्सी गायीची चोरी झाली आहे. हा प्रकार १३ जुलैला मध्यरात्री घडला आहे.
या प्रकरणी नागेश रामचंद्र निकम (रा. खडकी) यांनी फिर्याद दिली आहे. त्यात त्यांनी म्हटले आहे, की १३ जुलैला मी माझ्या दोन गायींना गोठ्यात बांधून वैरण टाकून घरी झोपायला गेलो. पहाटे साडेतीन वाजता मी शेतात गेलो असता, माझ्या गायी मला दिसल्या नाही.
त्यानंतर सर्वत्र शेधाशोध करूनही सापडल्या नाहीत. तेव्हा चोरट्याने चोरून नेल्याचे लक्षात आले. या प्रकरणी पोलीसांनी गुन्हा दाखल केला असून पुढील तपास सुरू आहे.
