धनुर्विद्या स्पर्धेत रेहान राज्यात तिसरा तर जयहिंद चौथा
करमाळा (दि.२१) – राज्यस्तरीय धनुर्विद्या (आर्चरी) स्पर्धेत पांडे येथील गुरुकुल पब्लिक स्कुलचे विद्यार्थी रेहान अकबर मुलाणी व जयहिंद नारायण जगताप यांनी दमदार कामगिरी करत अनुक्रमे राज्यात ३ रा व ४ था क्रमांक पटकावला आहे. या खेळाडूंची राष्ट्रीय पातळीवर 11 नोहेंबर 2024 रोजी नाडियाड (गुजरात) येथे होणाऱ्या राष्ट्रीय स्पर्धेसाठी निवड झालेली आहे.
महाराष्ट्र राज्य क्रीडा व युवक सेवा संचालनालय यांच्या अंतर्गत 19 व 20 ऑक्टोंबर 2024 रोजी नांदेड येथे घेण्यात आलेल्या शालेय राज्यस्तरीय आर्चरी स्पर्धेत या खेळाडूंनी ही कामगिरी केली. रेहान अकबर मुलाणी राज्यात 3 रा, विभागात 2 रा व जिल्ह्यात 1 ला आहे तर जयहिंद नारायण जगताप हा राज्यात 4 था, विभागात 1 ला व जिल्ह्यात 2 रा आहे.
या कामगिरी बद्दल, गुरुकुल पब्लिक स्कूल चे सर्वेसर्वा संस्थापक अध्यक्ष मा. श्री भोगे सर व भोगे मॅडम यांनी या विद्यार्थ्यांचे अभिनंदन केले.तसेच मुख्याध्यापक व सर्व शिक्षक वृंदानी यशस्वी खेळाडूंचे अभिनंदन केले व पुढील स्पर्धेसाठी शुभेच्छा दिल्या. या सर्व खेळाडूंना HOD शिंदे मॅडम ,HOD पवार मॅडम व क्रीडा प्रशिक्षक – अमोल माळी सर, जामदारे, ए.वाय आव्हाड सर , बी.एस आव्हाड सर, पवार सर , शिंदे सर, घोगरे सर, जगताप सर, गिरवले सर, सातव सर, यांचे मार्गदर्शन लाभले.
