घरात घुसून कपाट उघडून ७० हजार रूपयाची चोरी..
करमाळा / संदेश प्रतिनिधी
करमाळा : घरात घुसून मध्यरात्री कपाट तोडून घरातून ७० हजार रूपयाचे सोन्याचे मनीमंगळसुत्र चोरून नेले आहे. हा प्रकार कविटगाव, ता. करमाळा येथे ५ मार्च च्या मध्यरात्री घडला आहे. या प्रकरणी सागर जोतीराम चौधरी रा.कविटगाव यांनी फिर्याद दिली आहे.
त्यात त्यांनी म्हटले आहे, की ४ मार्चला रात्री आम्ही जेवण करून झोपलो असता, मध्यरात्री म्हणजे ५ मार्चला पावणेएकच्या सुमारास आमच्या घरात चोरटे शिरले व त्यांनी कपाट उघडून कपाटातील ७० हजार रूपये किंमतीचे दीड तोळ्याचे सोन्याचे मंगळसुत्र चोरून नेले आहे. या प्रकरणी पोलीसांनी गुन्हा दाखल केला आहे. पुढील तपास सुरू आहे.
