करमाळ्यात बुधवारी ‘होम मिनिस्टर – खेळ पैठणीचा’ कार्यक्रमाचे आयोजन
करमाळा : गणेशोत्सवानिमित्त नंदन प्रतिष्ठानच्या वतीने “होम मिनिस्टर खेळ पैठणी” या महिलांसाठी विशेष कार्यक्रमाचे आयोजन करण्यात आले आहे. संस्थेचे अध्यक्ष जितेश कटारिया यांच्या संकल्पनेतून हा उपक्रम राबविण्यात येत आहे. यावेळी “मिले सुर मेरा तुम्हारा” या ऑर्केस्ट्रा कार्यक्रमाचाही समावेश करण्यात आला आहे.
हा कार्यक्रम बुधवार, ३ सप्टेंबर २०२५ रोजी संध्याकाळी ६ वाजता संताजी नगर, नवीन भाजी मंडई जवळ, जुना बायपास रोड येथे होणार आहे. स्पर्धेतील पहिल्या तीन विजेत्या महिलांना आकर्षक बक्षिसे देण्यात येणार आहेत.
या कार्यक्रमाचे उद्घाटन उपविभागीय अधिकारी अंजना कृष्णा यांच्या हस्ते होणार असून, तहसीलदार शिल्पा ठोकडे आणि सहाय्यक पोलीस निरीक्षक गिरीजा मस्के उपस्थित राहणार आहेत.
गणेशोत्सव समितीचे अध्यक्ष निलेश माने यांनी महिलांनी मोठ्या संख्येने उपस्थित राहावे, असे आवाहन केले आहे.
