पार्थदादा पवार फाऊंडेशन वतीने केम येथील राजाभाऊ तळेकर विद्यालयास आदर्श शाळा पुरस्कार जाहीर

केम (प्रतिनिधी/ संजय जाधव) -दि.१ जुलै रोजी श्री पार्थ दादा पवार फाऊंडेशन वतीने केम येथील राजाभाऊ तळेकर विद्यालयाल आदर्श शाळा ट्रॉफी देऊन सन्मान करण्यात आला.

या कार्यक्रमाच्या अध्यक्ष पदी राष्ट्रवादी काँग्रेसचे जिल्हाध्यक्ष सागर पडगळ हे होते.तर यावेळी व्यासपीठावर राष्ट्रवादी काँग्रेसचे तालुका अध्यक्ष संतोष वारे,संस्थेचे अध्यक्ष संस्थेचे अध्यक्ष महेश तळेकर एपी, ग्रुपचे अध्यक्ष अध्यक्ष अच्युत काका पाटील, पैलवान महावीर आबा तळेकर युवा सेनेचे सागर तळेकर निमंत्रक गौरव पाटील प्रहार संघटनेचे तालुकाध्यक्ष संदीप तळेकर मुख्याध्यापक मनोज तळेकर उपस्थित होते.

या वेळी मार्च 2023 मध्ये झालेल्या एसएससी परीक्षेत प्रथम क्रमांक तीन आलेले विद्यार्थिनींचा प्रमुख पाहुण्यांच्या हस्ते सन्मान करण्यात आला तसेच शिवाजी प्राथमिक प्रशालेतील ए.टि. एस.परिक्षेतील गुणवंत विद्यार्थ्यांचा सन्मान करण्यात आला. या वेळी करोना काळात ज्या विद्यार्थ्यांचें पालक मृत्यू पावले अशा एकूण दहा विद्यार्थ्यांना गौरव पाटील यांनी दत्तक घेतले.

या वेळी या कार्यक्रमाचे प्रमुख पाहुणे सागर पडगळ म्हणाले की राजाभाऊ तळेकर विदयालय हे एक निसर्ग सानिध्यात आहे या शाळेची स्वच्छता, गुणवंत विद्यार्थी, येथील तज्ञ शिक्षक व शाळेची टाप,टिप या साठी या शाळेला पुरस्कार जाहीर झाला आहे.तसेच या संस्थेच्या असलेल्या मागासवर्गीय वस्तीगृहाच्या विद्यार्थ्यांना पार्थ पवार यांच्या वाढदिवसानिमित्त २५ बेड देण्याचे आश्वासन दिले. या कार्यक्रमाचे सूत्रसंचालन नागनाथ तळेकर यांनी केले तर आभार प्रदर्शन यानी मानले या कार्यक्रमासाठी शिक्षक पालक विद्यार्थी मोठ्या संख्येने उपस्थित होते