मोटारसायकलची समोरा समोर धडक – अपघातातील एकजण ठार
करमाळा (दि.१८ ) – मोटारसायकलची समोरासमोर धडक होऊन झालेल्या अपघातात एका व्यक्तीचे उपचारादरम्यान निधन झाले आहे. हा प्रकार २० सप्टेंबरला रात्री साडेनऊच्या सुमारास कोंढारचिंचोली (ता.करमाळा) जवळ घडला आहे. या प्रकरणी चेतन जालिंदर गलांडे (रा.कोंढारचिंचोली ) यांनी करमाळा पोलीस स्टेशनमध्ये फिर्याद दिली आहे.
त्यात त्यांनी म्हटले आहे, की २० सप्टेंबरला रात्री साडेसातच्या सुमारास माझे वडील जालिंदर गलांडे (वय ५५) हे माझे नातेवाईक राहुल बाळासाहेब गलांडे यांची मोटर सायकल नं. MH 45 Q9360 हिचेवर पाठीमागे बसुन भिगवन येथुन आमच्या घरी कोंढार चिंचोली येथे येत असताना सदरची मोटर सायकल ही राहुल गलांडे हे चालवित होते, त्यांचे समोरून विना नंबरची हीरो कंपनीची स्प्लेंडर मोटर सायकलवर चालक गणेश बाबुराव कवडे रा. कात्रज ता. करमाळा याने त्याच्या ताब्यातील मोटर सायकल ही जोराची चालवुन राँग साईडला येवुन माझे वडील बसलेले असलेली मोटर सायकलला जोराची धडक दिली. माझे वडील या अपघातात गंभीर जखमी होवुन झाले. पुढे उपचारादरम्यान त्यांचा मृत्यू झाला. पोलिसांनी सदर मोटार सायकल स्वारावर गुन्हा दाखल केलेला आहे पुढील तपास पोलीस निरीक्षक बबन टिळेकर हे करत आहेत
