ऊसतोड मजूर देतो म्हणून मुकादमाकडून १४ लाखांची फसवणूक
करमाळा(दि.१३) : उसतोड मजूर पाठवितो असे सांगून व कायदेशीर नोटरी करुनदेखील उसतोड मजूर न पाठविता मुकादमाने एकूण चौदा लाख रुपयांची आर्थिक फसवणूक केली असल्याची तक्रार उमरड (ता.करमाळा) येथील शंकर दिगंबर मारकड यांनी करमाळा पोलीस ठाण्यात केली आहे. जयंसिंग रजेसिंग माळचे रा. वासदरे ता. जि. नंदुरबार असे मुकादमाचे नाव आहे.
दिलेल्या फिर्यादीत म्हटले आहे की, सन 2024-2025 या साला करीता बारामती अँग्रो सहकारी साखर कारखाना बारामती या कारखान्याला उस वाहनेबाबत 54 उसतोड मजूर देणार असा मुकादमाबरोबर करार झाला होता.
त्यानंतर “उस कामगार माझ्या घरी येत आहेत ते मला उचल पैसे मागत आहेत. तुम्ही माझे अकाउंट वरती पैसे पाठवा” असे मला मुकादमाने अनेक वेळा सांगितल्यामुळे मी ७ मे २०२४ ते ५ सप्टेंबर २०२४ दरम्यान टप्प्याटप्प्याने मुकादमाच्या खात्यावर ऑनलाइन पैसे पाठवले व काही पैसे रोख दिले.
८ ऑक्टोबर २०२४ रोजी मी व माझा मेव्हणा असे आम्ही उसतोड मजूर आणनेकामी मुकादमाचे गावी वासदरे ता. जि. नंदुरबार येथे गेलो त्यानंतर माझ्याकडून मुकादमाने उसतोड मजुरांच्या बाजारासाठी २ लाख रुपये रोख रक्कम स्वररुपात दिले. त्यानंतर मी तेथे लॉजवर राहून दुस-या दिवशी दि. १४ ऑक्टोबर २०२४ मी मुकादम यांचे घरी गेलो असता त्या ठिकाणी मुकादम व उसतोड मजूर त्या ठिकाणी नव्हते. त्यावेळी मुकादम यास मी माझे फोन वरुन वारंवार फोन केला असता त्याने फोन उचलला नाही. तसेच मी त्यांचा आजूबाजूचे परिसरात शोध घेतला असता ते मिळूण आले नाहीत. त्यानंतर माझे गावी निघूण आलो. त्यानंतर मी त्यास वारंवार फोन करत होतो. परंतु त्यानं फोन उचलला नाही. कोणत्याही प्रकारचा संपर्क केलेला नाही. यातून माझी आर्थिक फसवणूक झाल्याचे लक्षात आले. या संदर्भात पुढील तपास पोलीस निरीक्षक पोपट टिळेकर हे करत आहेत.
