जेऊर येथील १७ वर्षाच्या मुलीस पळविले
करमाळा / संदेश प्रतिनिधी
करमाळा : जेऊर (ता. करमाळा) येथील १७ वर्षाच्या अल्पवयीन मुलीस अज्ञात इसमाने पळवून नेले आहे. हा प्रकार ९ मे ला सकाळी साडेदहा वाजता घडला आहे. या प्रकरणी मुलीच्या पालकांनी करमाळा पोलीसात फिर्याद दिली आहे.
त्यात त्यांनी म्हटले आहे, की माझी १७ वर्षे वयाची मुलगी ९ मे २०२४ रोजी सकाळी साडेदहा वाजता घरात कोणास काही न सांगता निघून गेली आहे. तिला कोणीतरी अज्ञात इसमाने फुस लावून पळवून नेले आहे. या प्रकरणी पोलीसांनी गुन्हा दाखल केला असून पुढील तपास पोलीस उपनिरीक्षक विनायक माहुरकर हे करत आहेत.
