मांगीच्या प्राथमिक शाळेत “बाल आनंद बाजार’ उत्साहात संपन्न..
![](https://saptahik-sandesh.com/wp-content/uploads/2023/01/IMG-20221231-WA0040-768x1024.jpg)
करमाळा / संदेश प्रतिनिधी :
करमाळा : जिल्हा परिषद प्राथमिक शाळा मांगी (ता.करमाळा) येथे बाल आनंद बाजार उत्साहात संपन्न झाला. जिल्हा परिषद प्राथमिक शाळा मांगी येथे जिल्हा परिषदेचे कार्यकारी अधिकारी श्री स्वामी यांच्या उपक्रमातुन “बाल आनंद बाजार” इ १ली ते ४थी च्या विद्यार्थ्याचा भरवण्यात आला होता, यामध्ये विद्यार्थ्यांनी पाणीपुरी, पालेभाज्या , कांदे, बटाटे, नारळ, मॅगी, चहा, सरबत, वडापाव, भजे ,पुलाव, चिवडा, पॉपकॉन इ विक्री करण्यासाठी स्टॉल उभे केले होते.
![](https://saptahik-sandesh.com/wp-content/uploads/2023/01/IMG-20230101-WA0032-1024x768.jpg)
या बाजारातून आठ हजारापेक्षा जास्त विक्रीची उलाढाल झाली आहे. यामुळे शाळेतील विद्यार्थ्यांना व्यवहार ज्ञानाची माहिती झाली. या कार्यक्रमाचे उदघाटन शाळा व्यवस्थापन समिती अध्यक्षा उज्वला पाटील , उपसरपंच नवनाथ बागल यांचे हस्ते करण्यात आले.
या कार्यक्रमास ग्रामपंचायत सदस्य सुजीत बागल ,चतुराबाई शिंदे , तात्या शिंदे , नागेश बागल , कल्पना राऊत , शितल गायकवाड , शिला अवचर , अजय बागल , स्नेहल अवचर महिला जास्त संख्येने बाजार करण्यासाठी उपस्थित होते . कार्यक्रम यशस्वी करण्यासाठी गट शिक्षणाधिकारी राजकुमार पाटील , जयवंत नलवडे साहेब यांचे मार्गदर्शनाखाली शाळेचे मुख्याध्यापक संतोष पोतदार , हिरामण कौले , वैशाली पवार , सुवर्णा महामुनी , आशा देमुंडे यांनी विशेष परिश्रम घेतले. यावेळी ग्रामस्थ, पालक मोठया संख्येने उपस्थित होते.
![](http://saptahik-sandesh.com/wp-content/uploads/2022/12/Screenshot_20221205-213712_WhatsApp-1-688x1024.jpg)
![](http://saptahik-sandesh.com/wp-content/uploads/2022/12/01-2-880x1024.jpg)