वृद्धांना व दिव्यांगांना शिरखुरमा वाटप करत रमजान ईद साजरी
करमाळा(दि.२): भारतरत्न डॉ.ए.पी.जे. अब्दुल कलाम फाऊंडेशन करमाळा व सकल मुस्लीम समाज करमाळा यांच्या वतीने विविध ठिकाणी शिरखुरमा व अन्नदान करत रमजान ईद साजरी करण्यात आली.
करमाळा येथे श्रीराम प्रतिष्ठान मार्फत अन्नदान सुरू असलेल्या ठिकाणी वयोवृद्ध व्यक्तींना, पांडे येथील मातोश्री वृद्धाश्रमातील व्यक्तींना तसेच कमला देवी मुकबधीर शाळेतील विद्यार्थ्यांना शिरखुरमा वाटप व अन्नदान करण्यात आले. यावेळी मुस्तकीम पठाण, जमीर सय्यद, सुरज शेख, रमजान बेग, जहाँगीर बेग, संस्थाचे अध्यक्ष समीर शेख यांच्या हस्ते हे वाटप करण्यात आले.
तुम्ही समाजातील दुर्लक्षित आणि वंचित घटकांना आपल्या आनंदात सामील करून त्यांच्या सोबत आपला आनंद साजरा करा त्यां वृद्धांना, मुकबधीर मुलांना आपण समाजात एकटे आहोत याची जाणीव न करता त्यांना आपल्या आनंदात सामावुन घ्या ते कोणत्याही समाजातील लोक असतील अशी शिकवण प्रेषित मोहम्मद पैगंबर यांचे शिकवण आहे ही शिकवण घेवून भारतरत्न डॉ ए पी जे अब्दुल कलाम फाऊंडेशनचे काम सुरु आहे,असे या कार्यक्रमाच्यावेळी संस्थेचे स़ंस्थापक समीर शेख यांनी सांगितले.
