उपमुख्यमंत्री एकनाथ शिंदे यांच्या वाढदिवसानिमित्त आज करमाळा येथे विविधकामांचे भूमिपूजन
करमाळा(दि.९): करमाळा येथे आज महाराष्ट्र राज्याचे उपमुख्यमंत्री एकनाथ शिंदे यांच्या वाढदिवसानिमित्त विविध कामांच्या भूमिपूजनाचा कार्यक्रम आयोजित करण्यात आला.
यामध्ये उद्योजकांसाठी स्वतंत्र पाईपलाईन व जमिनीखालील पाण्याची टाकी या १.५९ कोटी रुपयांच्या कामाचे भूमिपूजन आज (दि.९) सायंकाळी चार वाजता करमाळा एमआयडीसी मध्ये विविध मान्यवरांच्या उपस्थितीत होणार आहे.
करमाळा शहरातील श्रावण नगर येथे धर्मवीर आनंद दिघे सभागृह विद्यार्थिनींसाठी आधुनिक स्वतंत्र अभ्यासिका या 50 लाख रुपयेच्या कामाचे उद्घाटन अ‍ॅड. कमलाकर वीर यांच्या हस्ते व विलासराव घुमरे यांच्या अध्यक्षतेखाली होणार आहे. त्याचप्रमाणे बांधकाम कामगारांना नोंदणी प्रमाणपत्र वाटप करण्याचा कार्यक्रम देखील आयोजित करण्यात आलेला आहे.
या बरोबरच कृष्णाजी नगर येथे करमाळा देवीचामाळ रोडवर नामदार एकनाथजी शिंदे ऑक्सीजन पार्कचे उद्घाटन सायंकाळी सहा वाजता माजी नगरसेवक अल्ताफशेठ तांबोळी व माजी उपनगराध्यक्ष प्रशांत ढाळे यांच्या अध्यक्षतेखाली पार पडणार आहे.
या कार्यक्रमाला जास्तीत जास्त नागरिकांनी उपस्थित राहावे असे आवाहन शिवसेना जिल्हाप्रमुख महेश चिवटे यांनी केले आहे.
