८ जानेवारीला राज्यस्तरीय धनगर समाज वधु वर परिचय मेळाव्याचे आयोजन
करमाळा (संदेश प्रतिनिधी) : धनगर समाज सेवा संघातर्फे आयोजित १५ वा राज्यस्तरीय धनगर समाजाचा वधू-वर परिचय मेळावा रविवार दिनांक ८ जानेवारी २०२३ रोजी सकाळी १० ते ५ वाजेपर्यंत रामकृष्ण मंगल कार्यालय, शिवदत्त नगर (नवी सांगवी),पिंपळे गुरव पुणे या ठिकाणी होणार आहे , अशी माहिती धनगर समाज सेवा संघाचे अध्यक्ष व संस्थापक श्री मुकुंदराव कुचेकर यांनी दिली.
मागील दोन वर्षी कोरोना प्रादुर्भाव काळामुळे हा वधू-वर मेळावा ऑनलाईन पद्धतीने घेण्यात आला होता. यावर्षी मात्र हा वधू वर मेळावा नेहमीप्रमाणे ऑफलाईन पद्धतीने भव्य व दिव्य स्वरूपात घेण्यात येणार आहे. धनगर समाजातील सर्व पोट जातीमधील धनगर समाज बांधवांनी आपल्या इच्छुक वधू-वरांची नावे १० डिसेंबर २०२२ पर्यंत ९६७३८३६८९८ या व्हाट्सअप नंबर वर नोंदणी करावी.
धनगर समाजातील इच्छुक लोकांनी या मेळाव्यासाठी आपल्या मुलाची/मुलीची नोंदणी लवकरात लवकर करून मेळाव्याचा लाभ घ्यावा असे आवाहन शहर कार्यकारणी सदस्य संजय सरवदे यांनी केले.
