पोथरे येथील ढेकळेवाडी प्राथमिक शाळेत विद्यार्थ्यांना स्पोर्ट ड्रेस चे वाटप..
करमाळा / संदेश प्रतिनिधी :
करमाळा : पोथरे (ता.करमाळा) येथील ढेकळेवाडी प्राथमिक शाळेतील विद्यार्थ्यांना आज (ता.१९) ‘स्पोर्ट ड्रेस’ चे वाटप करण्यात आले. विद्यार्थ्यांनी किंवा लहान मुलांनी मोबाईलवरील गेम न खेळता प्रत्यक्षात मैदानावर खेळ खेळावेत तसेच खेळाचे महत्त्व विद्यार्थ्यांना समजावे या जाणिवेतून लोकसहभागातून ‘स्पोर्ट् ड्रेस’ खरेदी करून त्याचे वाटप करण्यात आले.
यावेळी शाळा व्यवस्थापन समितीचे अध्यक्ष संतोष झिंजाडे, भाऊ जाधव, भाऊसाहेब साळुंके, लालासाहेब ठोंबरे हे उपस्थित होते. ढेकळेवाडी प्राथमिक शाळेचे मुख्याध्यापक नितीन रंदवे व सहशिक्षक चंद्रकांत रोडे यांच्या कल्पकतेतून हा उपक्रम राबविण्यात आला. याप्रसंगी सर्व विद्यार्थी तसेच पालकवर्ग उपस्थित होता. या उपक्रमाचे सर्वांनी कौतुक केले आहे.
